Nu
huss sprach der Michel von Wolkenstain
so hetzen wir sprach Oswalt von wolkenstain
za hürss sprach her Lienhart von wolkenstain
sy müssen alle fliehen von greiffenstain
geleich
Do hub sich ain gestöber
auss der glüt
all nyder jn die köfel das alles blüt
bantzer und armbrost darzu die eysenhüt
die liessens uns zu letze do wurd wir freuden
reich
Die handwerch und hütten
und ander ir gezelt
das ward zu ainer aschen jn dem obern veld
ich hör wer übel leihe das sey
ain böser gelt
also well wir bezalen hertzog friderich
Schalmützen schalmeussen
nyemand schied
das geschah vorm raubenstain jin dem ried
das mangem ward gezogen ain spann lange nyet
von ainem pfeil geflogen durch armberost
gebiett
Gepawren von sant jörgen
die gantz gemaine
die hetten uns gesworen falsch unraine
do komen gut gesellen von Raubenstaine
got grüss ew nachgepawern ewr trew ist
klaine
Ain werffen und ein schiessen
ain gross geprewss
hub sich an verdreissen glöggel dich
und seuss
nu rür dich gut hofeman gewynn oder
fleuss
ouch ward daselbs besenget vil dächer
unde meuss
Die botzner der ritten und
die von Meran
häfning der melten die zugen oben hran
serntner senesyer die fraidige man
die wolten uns vergernen do komen wir der
von
Eine wunderschöne Aufführung ist zu sehen im Netz:
Beim
Falkensteiner Minneturnier 2011 gewann als »Minnesänger des Jahres 2011«
Thomas M. Schallaböck von Dulamans
Vröudenton
mit NU HUSS, zu sehen ist Prolog und das gesungene Lied.
